Descrición

Se queres facer rafting na Coruña, o Río Ulla é un dos leitos máis emblemáticos para vivir esta aventura. Os ríos do interior de Galicia son perfectos para practicar esta actividade deportiva. Ven facer rafting e descender o Río Ulla situado a só media hora de Santiago de Compostela.

Entre risas, diversión, un pouco de medo e sobresaltos, sucaremos o tramo desde Carcacía ata Herbón (Padrón), un percorrido de 5 km que atravesa bosques frondosos de ribeira con carballos, amieiros ou salgueiros. O rafting é un dos deportes acuáticos máis emocionantes para as persoas que queren descargar adrenalina e pasar unhas horas de diversión.

Podes vir con amigos ou coa túa familia. Auga e adrenalina! Imaxínate nunha gran balsa río abaixo, entre correntes e rápidos, remando co teu equipo para evitar rocas, illotes e saltos de auga ata chegar a un remanso de augas tranquilas onde podes gozar da natureza de Galicia. Emocións refrescantes!!

Navegarás en grupo. Tripularedes unha balsa, cunha capacidade entre 8 e 10 prazas. Subirémonos nunha grande e segura lancha pneumática con moita estabilidade para que sexa difícil caer á auga e equiparémosvos con neoprenos, casco, chalecos salvavidas e material de seguridade, para descender polo río entre os seus rápidos e correntes. Non necesitas ter coñecementos previos ou moita preparación física para facer rafting.

Un guía experto dirixirá a embarcación para realizar as manobras necesarias coa máxima seguridade ao descender os rápidos do río.

Ven a facer rafting e desafiar os rápidos do Río Ulla na Coruña!