A Asociación Terras de Compostela é unha asociación sen ánimo de lucro que promove o desenvolvemento local do seu territorio e, como modelo de partenariado público e privado, implica a todos os actores locais, tanto as institucións, como o tecido asociativo así como a sociedade en xeral, do seu ámbito territorial.
A Asociación Terras de Compostela configura un Grupo de Desenvolvemento local, o GDR 19, que aposta polo medio rural a través da metodoloxía leader e a través de outros proxectos orientados a contribuír co desenvolvemento integral do territorio.
O GDR 19 abrangue dúas comarcas completas e parte doutra da provincia da Coruña: A comarca de Santiago, cos concellos de AMES, BOQUEIXÓN, BRIÓN, SANTIAGO DE COMPOSTELA, TEO, VAL DO DUBRA E VEDRA; a Comarca de A Barcala, composta polos concellos de A BAÑA e NEGREIRA; e o concello de SANTA COMBA, pertencente á Comarca do Xallas.