O punto de partida desta ruta é a Ponte Ledesma, un núcleo poboacional cun conxunto etnográfico moi importante: Igrexa Divino Salvador de Ledesma, a Ponte Vella de Ledesma e as Ínsuas de Gres sobre o Ulla. Percórrese un roteiro de Pescadores, tramo da Rede Natura 2000, un espazo natural protexido, e séguese por unha  fermosa senda de pescadores cunhas vistas de gran beleza ata a parroquia de Donas.