Paseo fluvial do Sarela

  • Inicio: Ponte Romaño

  • Fin: Ponte da Amañecida (ou, a moi pouca distancia, o Parque de Brandía)

  • NON Circular

  • Sendeirismo

  • 7,2 km

  • 2 hrs

  • Baixa

  • Grupos de adultos

Tamén chamado itinerario “De ponte a ponte polo Río Sarela”, discorre sobre camiños de ribeira, de pescadores, os vellos camiños dos muíños e os curtidoiros, e que hoxe en día forman un paseo cultural e de observación da natureza consolidado tanto no seu uso recreativo como didáctico. As beiras do Sarela están sementadas de construcións fabrís que marcaron unha época de esplendor industrial en Santiago. Estas construcións forman un percorrido pola historia menos coñecida da cidade.

Este paseo é un mundo á parte que se introduce no bosque e discorre completamente alleo á cidade suxerindo aventura, descubrimento e contacto directo coa natureza. Corre paralelo ás augas do pequeno río Sarela e permite constatar a importancia histórica que na articulación do territorio tiveron as canles fluviais: pontes, regos, canais, muíños, fábricas de curtidos… Estas últimas tiveron un papel moi relevante no desenvolvemento económico da cidade desde mediados do século XIX ata a metade do XX, tal e como queda patente ao longo deste percorrido –algunha delas ten sido rehabilitada como urbanización de vivendas, caso do Luar do Carme, no Carme de Abaixo-.

O sendeiro está sombreado, como se dunha pérgola natural se tratase, por carballeiras e vexetación típica das ribeiras galegas: ameneiros, bidueiros, salgueiros, etc.

Especial Interese botánico: flora de ribeira e de chan

Especial interese monumental / patrimonial: muíños, pontes, fábricas de curtidos

Amplas zonas de sombra

Posibilidade de recorrelo en bicicleta

Polo feito de ser un paseo fluvial situado en grande parte en zona urbana, pódese comezar a camiñar en moitos puntos da cidade, sen necesidade de desprazarse aos extremos do mesmo. Pola súa centralidade e pola dotación de aparcamento e outros servizos (cafeterías, etc.) recoméndase especialmente o Parque de Galeras.

PUNTOS DE INTERESE

Parque de Galeras e Parque da Finca do Espiño

Capela do Carme de Abaixo

Antigas fábricas de curtidos

Lavadoiros de Santa Isabel

Carballeira de San Lourenzo

Fontes, pontes, muíños, lavadoiros

VISOR INTERACTIVO

Asociación sen ánimo de lucro, modelo de partenariado público e privado, que implica a todos os actores locais, tanto as institucións, como o tecido asociativo así como a sociedade en xeral de seu ámbito territorial.

Contacto

Cibran, nº 4 – San Xian de Sales
15885 VEDRA
E: info@terrasdecompostela.org
T: 689 245 170

Conecta

Configuración de cookies
Usamos cookies para mellorar a súa experiencia mentres utiliza o noso sitio web. Se está a usar os nosos servizos a través dun navegador, pode restrinxir, bloquear ou eliminar as cookies mediante a configuración do seu navegador web. Tamén empregamos contidos e scripts de terceiros que poden usar tecnoloxías de seguimento. A continuación pode proporcionar o seu consentimento de xeito selectivo para permitir a inserción de terceiros. Para obter información completa sobre as cookies que usamos, os datos que recompilamos e como os procesamos, consulte a nosa Política de Privacidade
Youtube
Consentimento para amosar contido de - Youtube
Vimeo
Consentimento para amosar contido de - Vimeo
Google Maps
Consentimento para amosar contido de - Google