A área recreativa do Campo de Gundián está constituída polo conxunto singular que conforman a capela, a fonte, o palco da música, as mesas e bancos e as vistas ao río Ulla, así como a antiga Ponte de Gundián e a moderna do AVE, que permiten gozar deste magnífico contorno natural.

O espazo onde se sitúa esta área ten a particularidade de ser o único terreo ao sur do río Ulla que pertence á provincia da Coruña. Neste lugar celébrase o día 7 de setembro a famosa festa da procesión de Nosa Señora de Gundián, na que trasladan á Virxe desde o pobo acompañada dunha gran tirada de fogos de artificio.

Nas proximidades atópase así mismo o Miradoiro de Gundián, que ofrece unhas magníficas vistas de toda a zona. Está moi preto da Ponte Ulla, a escasos 30 min andando, e ao pé do Camiño de Santiago (Camiño do Sueste – Vía da Prata).