Lugar perfecto para o descanso, pasar unha tarde en familia ou ver o solpor, cunha zona acondicionada con todos os servizos necesarios e zona de aparcamento

No punto onde se xuntan as augas dos ríos Sar e Ulla podemos ver unha réplica do Faro de Gois do municipio francés de Noirmoutier, pobo irmandado con Padrón dende o 3 de outubro de 1992.

Se seguimos o cauce do río Sar, nun percorrido de dous quilómetros dende o centro de Padrón, na súa marxe esquerda, pola senda peonil existente, chegamos á área recreativa da Desembocadura do río Sar no Ulla.