COMEDORES RESPONSABLES KM0- Inicio das acción formativas.
Accións formativas en Terras de Compostela
Comedores Responsables KM0, tratase dun proxecto de cooperación que une territorio, persoas e produción local. Desenvolvido entre 2025 e 2027 e coordinado pola Asociación Terras de Compostela, reúne a oito Grupos de Desenvolvemento Rural de toda Galicia, representando 86 concellos e máis dun cuarto da poboación galega. A iniciativa impulsa a colaboración entre centros educativos, comedores colectivos e produtores agroalimentarios de proximidade para dinamizar a economía local e fortalecer o rural.
Este proxecto conecta produtores locais e centros de consumo colectivo en Galicia, fomentando unha economía máis próxima, sostible e colaborativo. Inspirado polas políticas europeas do Pacto Verde e a estratexia “Da Granxa á Mesa”, busca apoiar a produción local, reducir o impacto ambiental e revitalizar o rural.
O desafío é grande: o envellecemento da poboación, o abandono de zonas rurais e a dependencia da gran distribución dificultan que os produtos galegos cheguen aos comedores escolares, residencias ou centros de día. Por iso, a recente normativa do Real Decreto 315/2025 impulsa a incorporación de produtos locais, de tempada e ecolóxicos, abrindo unha oportunidade única para dinamizar o sector agroalimentario.
O proxecto abrangue oito Grupos de Desenvolvemento Rural, que cobren 86 concellos de toda Galicia, desde o interior ata a costa, alcanzando máis de 710.000 persoas. A iniciativa aposta por unha colaboración directa entre produtores e centros de consumo, priorizando a proximidade, pero sen deixar fóra a aqueles produtores necesarios para garantir determinados produtos.
O resultado é un modelo de abastecemento innovador e responsable, que combina sustentabilidade, territorio e cultura local, reducindo a pegada de carbono, minimizando o desperdicio e fortalecendo a economía rural. Un proxecto que transforma o alimento nun motor de desenvolvemento e conexión entre persoas, comunidades e territorio
Obxetivos
O proxecto ten como obxectivo principal fomentar o consumo de alimentos de proximidade en comedores de colectividades, especialmente escolares e da terceira idade.
Os seus obxectivos específicos son:
-
Facilitar o abastecemento local aos comedores.
-
Apoiar a adaptación á normativa vixente.
-
Identificar e profesionalizar o tecido produtor local.
-
Crear e reforzar canles curtas de comercialización.
-
Poñer en valor a produción agroalimentaria do territorio.
Como resultados previstos destacan:
-
A implantación do programa “Comedores Responsables KM0” nas zonas participantes.
-
A creación dunha rede estable de comedores e produtores adheridos ao programa.
-
A consolidación dun tecido de produtores locais provedores das colectividades.
-
A entrega de certificacións KM0 aos comedores que cumpran os requisitos establecidos.