GDR19 – Participa no Acto Conmemorativo “30 ANOS DO LEADER EN GALICIA”
O programa Leader -que financia accións de desenvolvemento da economía rural- cumpre trinta anos de funcionamento en Galicia.
A Presidente do GDR19 Asociación Terras de Compostela, M. Guarina Rey Vázquez, acompañada polo Equipo Técnico, Chefa Fernández e Xisela Mosquera, participou no acto dos 30 anos do programa Leader.
O acto conmemorativo estivo presidido polo Presidente Alfonso Rueda que indicou que, nestas tres décadas, dende a súa posta en marcha na Unión Europea en 1991, e baixo esta metodoloxía de enfoque participativo, se promoveron no rural galego, entorno a sete mil trescentos (7.300) proxectos aos que se destinaron 930 millóns de euros de financiamento con unha consolidación de seis mil postos de traballo e a xeración de cinco mil novos.