Ruta da Ribeira do Tambre
Inicio: Área recreativa de Fiopáns
FIN: Portochán
NON Circular
Sendeirismo
5,5 km
1h 15m
Dificultade: Media-Baixa
Familias, Parellas
Paneis con mapas no bordo da estrada de acceso á area recreativa de Fiopáns
O percorrido comeza atravesando A Pontella, unha antiga ponte de pedra sobre o río Portalaxe. Carballos e ameneiros son as principais especies que se ven no percorrido. De feito, un dos atractivos da ruta é o Carballo de Cancelos, que ten 6 metros de diámetro e está considerado un dos máis grandes de Galicia.
Entre a fauna da zona, a troita é a máis abundante. De feito, da abundancia deste peixe nos ríos da Baña, dan conta varios topónimos da zona, como Troitomil ou Troitosende. Destacar tamén o Muíño da Calexa, restaurado e que aínda funciona.
Tras pasar fronte a área recreativa de Tapia, chégase á ponte de Portochán, que une A Baña co concello de Ames. (Conexión coa Ruta do Rego Andoriña, de 5,2 km).
O sendeiro recomendado remata en Portochán para volver percorrer o mesmo tramo de volta ata Fiopáns.
PUNTOS DE INTERESE
A Pontella, antiga ponte de pedra sobre o río Portalaxe.
Carballo de Cancelos, de 6 metros de diámetro e considerado un dos máis grandes de Galicia
Muíño da Calexa, restaurado e que aínda funciona
Área recreativa e praia fluvial de Tapia, na outra beira (visible; accesible pola ponte de Portochán)
Conexión coa Ruta do Rego Andoriña (Ames), circular, 5,2 km.